Sna seachtainí atá amach romhainn, beidh na deiseanna ar fáil do thaithí féin ar ré na paindéime a chur in iúl ar an láithreán gréasáin seo. Idir an dá linn, leagtar amach thíos an cur chuige atá beartaithe don chomhairliúchán maidir leis an mBreithmheastóireacht.
An Cur Chuige atá Beartaithe maidir le Gnéithe Comhairliúcháin agus Comhchaidrimh
Déanfar bearta comhairliúcháin ina gcéimeanna agus ar bhealach lánchuimsitheach ag teacht go tráthúil leis an gcéim den obair Bhreithmheastóireachta atá ar siúl ag an am. Beifear báúil tuisceanach i mbun an chomhchaidrimh agus beidh fáilte roimh thuairimí éagsúla.
Tá fonn ar an mBreithmheastóireacht tuiscint a fháil ar thaithí dreamanna éagsúla ar fud shochaí na hÉireann ar fad. Déanfar comhairliúchán go forleathan d’fhonn sin a thabhairt i gcrích d’fhonn eolas a fháil ar thaithí saoil na ndaoine i rith na paindéime chomh maith le gnéithe eacnamaíochta agus sóisialta agus cúrsaí sláinte poiblí agus cearta an duine a thabhairt san áireamh. Díreofar ina dhiaidh sin ar dheiseanna do dhaoine agus d’ionadaithe sainiúla eolas níos mionsonraithe a chur ar fáil. Féachtar leis an gcur chuige ilghnéitheach seo leis an rannpháirtíocht is fairsinge is féidir a chinntiú.
Cuirfear na príomhthéamaí agus na príomhréimsí léargais a thagann chun cinn ón mbeartaíocht comhairliúcháin ar fáil ina gcéim agus ina gcéim ar láithreán gréasáin an Phainéil Breithmheastóireachta d’fhonn cur le héifeacht an phróisis.
