An Clár Oibre - COVID-19 Evaluation

An Clár Oibre atá Beartaithe

Céim i ndiaidh céime a chuirfear chuig clár oibre Phainéal Breithmheastóireachta COVID-19 de réir mar a leagtar amach sna Téarmaí Tagartha chun:

Cuntas fíorasach a chur ar fáil ar an straitéis agus ar an gcur chuige go forghinearálta maidir le pleanáil don phaindéim agus déileáil leis an bpaindéim, lena n-áirítear na córais agus na próisis a cuireadh ar bun i dtaca le déanamh cinntí agus beartaíocht ar fud an Rialtais uile;

An lón foghlama a thabhairt chun suntais, lena n-áirítear nithe a raibh dea-thoradh orthu, agus sin le haird ar:
– Feidhmiú an chórais sláinte agus an chúraim shóisialta go foriomlán; agus
– Torthaí tionchair, ar an toirt agus go fadtéarmach, ar an duine, ar an teaghlach agus ar an bpobal de bharr bhearta neamhchógaisíochta agus bhearta an Rialtais i ndáil le baol galair a bhainistiú agus a mhaolú i bhfianaise aidhmeanna beartais maidir le hearnálacha éagsúla nach mbeadh ag teacht le chéile (lena n-áirítear an tionchar a bhí ag réimse bearta tacaíochta i ndáil le hearnálacha, cúrsaí gnó/eacnamaíochta agus ioncam pearsanta).

Tabhairt faoi mhodúl oibre d’fhonn:
–Iniúchadh a dhéanamh ar an mbeartaíocht i ndáil le COVID-19 i saoráidí cúraim cónaitheacha fadtéarmacha do dhaoine aosta, le haird faoi leith ar thuarascáil Phainéal na Saineolaithe maidir le Tithe Altranais, ar thuairiscí ina dhiaidh sin ar an dul chun cinn maidir le cúrsaí forfheidhmiúcháin, agus aon toradh a bhaineann le hábhar ar anailís cáipéisíochta agus ar bhailiú faisnéise (lena n-áirítear taithí dáiríre na dteaghlach a fágadh faoi mhéala); agus
– An lón foghlama a mheas go foriomlán mar ghné den obair..

Moltaí a chur chun cinn faoi bhunphrionsabail agus faoi phróisis trínar féidir: :
–Treisiú le déanamh cinntí agus le cúrsaí follasachta;
– Cuidiú le gnéithe casta i ndáil le bearta cúitimh a bheadh á bplé a mheas agus a thabhairt ar an gcothrom i ndáil freisin leis an ngá feidhmiú go luathbheartach agus go sochóirithe sna cásanna atá i gceist; agus
– Creat oibre a chur chun cinn trína gcinntítear go ndéantar próisis an daonlathais agus cearta sibhialta a chaomhnú i gcomhthéacs bhearta ar fud na sochaí uile lena mbaineann ábhar baoil so-athraitheach ar scála den sórt seo agus ar feadh tréimhse den chineál seo.

Beidh follasacht, atriall agus an comhar de shaintréithe leis an gcur chuige forghinearálta.

Féachfar le tuiscint shoiléir a chothú ar fud an chórais agus réimsí éagsúla de ar bhainistíocht an Rialtais agus ranna agus ghníomhaireachtaí an rialtais ar an bPaindéim. Feabhsófar é seo trí dhíriú ar fheidhmíocht agus tionchair, chun eolas a chur ar fáil don fhoghlaim. Is gné lárnach den chur chuige seo tuiscint uilechuimsitheach ar thaithí na ndaoine agus ar na bealaí inar chuir an phaindéim isteach ar an saol acu. Cuideoidh breithniú ar bhearta agus ar bhearta cúitimh, an tionchar go fadtéarmach i gcomparáid leis an tionchar go gearrthéarmach san áireamh, lenar tháinig de thoradh na gcinntí agus dhéanamh na gcinntí a shoiléiriú.

Beidh lón eolais den tábhacht ó bhearta comhairliúcháin agus comhchaidrimh, eolas san áireamh faoin gcaoi ar cuireadh isteach ar dhaoine, ar theaghlaigh, ar dhreamanna, ar ghnólachtaí agus ar oibrithe líne tosaigh. Tiocfaidh san áireamh leis sin athbhreithniú a dhéanamh ar phleananna, ar thuarascálacha agus ar obair a bhaineann le hábhar a rinneadh ar fud an Rialtais, agus go hidirnáisiúnta, d’fhonn gnéithe iléagsúla den bheartaíocht fhoriomlán a scrúdú. Tiocfar, ina dhiaidh sin, i mbun caidrimh go díreach leis na príomhdhaoine a bhí i mbun dhéanamh na gcinntí. Ligfidh sin don Phainéal réimsí éagsúla bua agus laige a shonrú chomh maith le modhanna eile nó níos fearr chun cur chuig an gcúram.

Maidir leis an gciall cheannaithe a shonrú, bainfear leas i dtús na hoibre as ábhar taighde agus tuarascálacha, náisiúnta agus idirnáisiúnta, atá ar fáil go poiblí. Beidh lón eolais den tábhacht ó bhearta comhairliúcháin agus comhchaidrimh, eolas san áireamh faoin gcaoi ar cuireadh isteach ar dhaoine, ar theaghlaigh, ar dhreamanna, ar ghnólachtaí agus ar oibrithe líne tosaigh Beidh iniúchadh ar mhíréir a d’fhéadfadh tarlú maidir leis an tionchar ar dhreamanna éagsúla ina ghné thábhachtach den scrúdú.

Beidh modúl oibre ar leith d’fhonn scrúdú a dhéanamh ar an bhfreagairt ar COVID-19 i saoráidí cúraim cónaitheacha fadtéarmacha do dhaoine aosta. Bainfidh an modúl seo lón eolais as anailís ar ábhar cáipéisíochta agus as bailiú faisnéise as an nua, ag cur le tuarascáil agus le cur i bhfeidhm an Phainéil Saineolaíthe ar Thithe Altranais. Gné bhuntábhachtach de sin go mbeidh obair chomhairliúcháin agus chomhchaidrimh ag gabháil leis trína ndéanfar cíoradh ar thaithí phearsanta daoine, teaghlaigh a d’fhulaing méala ina measc, Nuair a saothraítear an modúl seo ar leithligh, is féidir fócas domhain a fháil, i bhfianaise a thábhachtaí atá fulaingt na paindéime sna tithe altranais.

Tríd is tríd, beidh moltaí bunaithe ar iomlán obair an Phainéil Breithmheastóireachta, chomh maith le gnáis sárchleachtais, d’fhonn teacht ar ábhar treorach maidir le prionsabail agus modhanna feidhme. Cuideoidh seo le treisiú ar leibhéil ullmhachta a chinntiú sa chás go dtagann géarchéimeanna éigeandála dá leithéid seo sa todhchaí.